Google ADS

Ekspertë nga Zvicra do t’i ndihmojnë Maqedonisë në përballjen me rreziqet nga përmbytjet

16:16 | 11 Prill 2018
Arbresh.info

Ekspertë nga Zvicra do t’i ndihmojnë Maqedonisë në përballjen me rreziqet nga përmbytjet për të ndërtuar një strategji për masat më të përshtatshme për përballjen me përmbytjet dhe rreziqet nga katastrofat.

Në punëtorin e mbajtur në kuadër të projektit “Përmirësimi i rezistencës ndaj përmbytjeve në rajonin e Pollogut”, ekspertët i prezantuan ngjarjet më të reja ndërkombëtare dhe qasjet bashkëkohore për uljen e rrezikut nga katastrofat.

Projekti ka për qëllim ndryshim thelbësor të mënyrës së përballjes me rrezikun e përmbytjeve në Pollog, që konsiderohet si më i prekshëm në këtë sferë.

Në katër vitet e ardhshme, sa zgjatë zbatimi i projektit, duhet që të përmirësohet gatishmëria dhe të forcohen kapacitetet e institucioneve për mbrojtje nga përmbytjet.

Parashihet ndërtimi i infrastrukturës së rëndësishme, ngritja e sistemeve të paralajmërimit të hershëm, si edhe zhvillimi i qëndrueshëm ekonomik dhe urban në komunat e rajonit të Pollogut./Telegrafi

Shpërndaje në rrjete sociale

Lajmet më të lexuara

Të ngjashme

Foto lajm